Kampanjen for eit framtidsombod er over, og det slår meg her eg sit og mimrar over alt det fine me fått til at endå har ingen skrive om kampanjen på rim! Eg tok saka i eigne hender:

I Kick-off
fyrste dagen me stasa oss til fest
hadde invitert alle frå klokkar til prest

fekk kloke ord, veggiswraps og svingande musikk
ikkje minst appellar og nydeleg nynorsk lyrikk

Spire _ framtidsombud

II Framtidskafé i Ås
i ås er det mange miljøbevisste, grøne studentar
kvar fredag lagar dei mat som frå container dei hentar

me vart invitert til å snakka om saka vår
og fekk flust av gode innspel av dei som på NMBU går

III Trondheim
i bartebyen byggjer dei mange nye hus
der det før var poteter, legg dei masse grus

kommunepolitikarar kom på debatten vår og sa
at eit framtidsombod faktisk kunne vore nokså bra

IV Hinderløypa
av pallar me hadde trehundreogfemtisju
desse bygde me til hinderløype, hendene blei ru

viste rett veg for karin, bård vegar og ola
spanderte kaffi og muffins, men ikkje cola

Spire - Framtidsombudet - Bård Vegar Solhjell - Stortinget Hinderløpe

V Debatt på Litteraturhuset
barneombodet i noreg heiter anne lindboe
på siste debatten kom nestleiaren hennar, ikkje ho

saman med høgres bru og spires mari
avrunda han kampanjen langt over pari

VI Lobby
me har møtt så mange politikarar at eg nesten har gløymd navna
var det terje, håkon, gudrun? kjenner nokon seg savna?

fellesnemnar for desse: dei er dei mest stressa folka
etter møte om ombod skulle dei teke seg ein polka

VII Sivilsamfunnsrørsle
greenpeace, fagforbundet ungdom og bondelaget
er nokon av dei nye organisasjonane som meiner spire har draget

av støtteorganisasjonar har me totalt trettiseks,
steike satan som me veks!

Spire - Framtidsombud t-skjorter
VIII Opprop
målet var å få underskrifter tusen
her viste masing seg å gjera susen

nokon trong telefon, mail og personleg møte
for å gå inn på spireorg.no og vera litt søte

IX Filmar
me ville laga filmar som illustrerte framtidsombodets gode poeng
til dette formål sette me av ein god del peng

me hyra inn geir og jonas frå NISS
dei gjorde ein god jobb, filmane er ikkje noko piss

film

X Utvalet
christina, charles og lene
synneva, marit og malene

hadde ikkje blitt mykje kampanje utan dei
om du ser dei, gje ein klem, takk, og ver generelt grei

Spire - Framtidsombudet -Kampanjeutvalg  - Stortinget
Takk for meg! Om du vil lesa ei oppsummering av kampanjen som ikkje er på rim (altså den keisame versjonen), finst det ein her.

Kampanjegruppa leikar ikkje kamp for å oppretta eit framtidsombod.

Som ein kvar ekte kampførar har me brukt mykje tid på å legga strategiar og planar for vårens kampanje. No er me endeleg i gang med å setja planane ut i livet! Kampane har teke til frå fleire hald (det gjeld å ikkje satsa alt på eit kort, som meisterstrategen Bismarck sikkert sa ein gong), difor er me på Stortinget og på gata, på nett og på organisasjonsfronten.

Her legg me slagplanar saman ein laurdag over ein kopp kakao:
Spire - Framtidsombud
Dei siste vekene har me sprunge opp og ned trappene på Stortinget i ein freistnad på å få politikarane like gira som oss på Framtidsombodet. Men me treng ikkje berre å ha politikarane på laget, me treng sjølvaste folket i ryggen (nokon vil kanskje innvenda at politikarane trass alt representerer folket, men det er ikkje godt nok for denne gjengen). For å nå ut breitt er me i gang med å laga ein filmsnutt der representantar frå fleire generasjonar fortel kvifor dei meiner at Norge treng eit framtidsombod. Denne har me fått hjelp til å laga frå to dyktige filmstudentar, så me har trua på at resultatet blir bra.

Dersom du vil få med deg premieren av denne filmsnutten må du koma på alliansemøtet vårt 18. februar kl. 16.00 – 18.00 i 5. etasje på Miljøhuset. Dit har me invitert alle dei 30 organisasjonane og alliansane som støttar kampanjen. I tillegg kjem jurist Pål W. Lorentzen for fortelja om det rettslege grunnlaget til Framtidsombodet og styreleiar i LNU, Norges barne- og ungdomsorganisasjonar, Stian Seland kjem for å snakka om kvifor dei (med sine 96 barne-og ungdomsorganisasjonar i ryggen) støttar Framtidsombodet.

Kampanjemedarbeidar Christina på filmlocation:
Spire Framtidsombud video
Tilbake til kampføringsmetaforen: Sjølve dødsstøyten (eller i Framtidsombodet sitt tilfelle: LIVSSTØYTEN) set me inn i kampanjeperioden som tek til i slutten av mars! Sett av onsdag kveld 26. mars til kick-off på Kulturhuset og måndag 7. april til debatt på Litteraturhuset! Meir info om alt det andre kjekke me skal finna på kjem etterkvart.

Alt godt frå kampanjegruppa!